الشاعر علي سلامه "قـــول كــمان"

Admin المساهمات : 70 تاريخ التسجيل : 31/07/2007

قـــول كـــمان

معاك ومعايا
مش فارقة
لا الشعر أصفر
ولا حتي
العيون زرقة
وبنهاتي
وبنطاطي
ولا لسانه عارف ينطق خواجاتي
وإحباطك .. وإحباطي
مدام جينا
وعلي كتفنا تلال الهم والأحزان
نقول كمان
يا طالع الشجرة
هاتلي
معاك إنسان
هاتلي معاك
إسم
تاريخ ميلاد
عنوان
هاتلي معاك
وطن حر
ومواطن مش جبان
وبعدين نبقي ندور
ع اللي ضايع
من زمان

للشاعر/ علي سلامه

» الشاعر علي سلامه "ميدان الجيزة"
» الشاعر علي سلامه "جاتك القرف"
» الشاعر علي سلامه "البطـــانــية"
» الشاعر علي سلامه "كيس البرتقال "
» الشاعر علي سلامه "مصر والكاميرون"